Proiektuak helburu bikoitza dauka: "Proiektu honen bitartez elkarteak, batetik, kulturartekotasunaren aberastasuna transmititu nahi du elementu desberdinen fusioaren bidez. Gainera, ehun koloretsuen bidez, gure gizarteari komunitate afrikarraren poza ekarri nahi diogu, zertxobait ezezaguna eta hedabideek gutxi azaleratzen dutena".
Jantzietatik lortutako etekinak Senegalgo Dionewar herrian abian dauden proiektuetara bideratuko dira.
Oso pozik daude Ndank Ndank elkartekoak ekimenak izan duen harrerarekin eta eskerrak ere eman dituzte: "Eskualdeko kooperatibei eta Bergarako Udalari eskerrak eman nahi dizkiegu proiektu hau eta beste batzuk aurrera eramateko emandako laguntza ekonomikoagatik. Bergarako eta Debagoieneko herritarrei ere eskerrak eman nahi dizkiegu gure ekimenei egiten dieten harrera onagatik".
