Goiko Estazioko ingurua zikin-zikin eta botiloi zantzuekin esnatu da gaur goizean. Bergarako udaltzaingoak jakinarazi dio GOIENAri ez dutela salaketarik jaso eta ez dutela isunik ezarri. Hala ere, udaltzainek gaur goizean botiloi zantzuak aurkitu dituzte Goiko Estazioan.
"Gaua oso lasaia izan da eta ez da aparteko arazorik izan. Mugimendua izan da baina ez da istilurik izan", argitu du Bergarako udaltzaingoak. Ertzaintzak, aldiz, jakinarazi du partikular baten deia jaso zutela. "Abisua jaso eta Goiko Estaziora joan zen Ertzaintzaren patruila bat. Iristean bertan zeudenak sakabanatu egin ziren. Ez genuen isunik jarri eta ez zen istilurik izan".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.