Usondo parkean egitekoa zen arren, Seminarixoan izan da, 12:00etan, Nerea Elustondo, Beñat Gaztelumendi, Maddi Ane Txoperena eta Sustrai Colina bertsolariek eskainitako saioa. Segurtasun neurriak ondo baino hobeto errespetatuta, saio ederraz gozatu dute bertaratutakoek.
Kultura ekitaldiez gozatzera
Bergarar asko terrazetan batu dira, lagunartean zerbait hartzeko, eta ekintza askorik ez dagoen arren, zenbaitek, atzo, egubakoitza izan zen Antton Telleriaren bakarrizketa ikusi zutela adierazi dute. Beste zenbaitek, aldiz, kuadrilan bazkaldu, eta 19:00etan, Seminarixoan izango den Sua taldearen kontzerturako gogoz daudela adierazi dute.
