Udal Gobernuak aditzera eman duenez 48 eskaera jaso dira guztira diru-laguntza berezi horretarako deialdian. Horietatik lauk eskatutako baldintzak betetzen ez zituztelako geratu dira deialditik kanpo. Hortaz, 42 ostalaritza-establezimenduk eta bi ostatuk jasoko dute diru-laguntza. Gainera, laguntza programa honetara bideratutako diru kopuru osoa estaltzen duen eskaera jaso ez denez –70.000 euro aurreikusi zituen Udalak programa honetarako–, soberakina, sektore berari bideratuko dio beste diru-laguntza baten bitartez.