Zapatuko partiduko lehen zatian, Burdinolako gazteek aurretik ipintzea lortu zuten arren, Gasteizeko SHGk bi gol sartu zituen bi minututan. Lehen zatia amaitzear zegoela berdinketa lortu zuten Burdinolakoek, eta bigarren zatian Burdinolako jokalariak jaun eta jabe izan ziren, 5-2ko garaipena lortuz.
Infantilen kasuan, garaipena ere Burdinolarentzat. Lehen zatian Burdinolak lortu zuen aurretik ipintzea, eta 3-0 amaitu zen Burdinolaren alde. Bigarren zatia antzerakoa izan zen, eta Metropolitanoko jokalariek gol bat sartzea lortu zuten arren, Burdinolak sartutako beste hiru golekin, 6-1eko garaipena lortu zuten. Azken emaitza honekin Burdinolak hirugarren postua lortu du Espainia mailako infantil oro ligan.