Maiatzaren 17a da LGTBIfobiaren kontrako Nazioarteko Eguna, eta Bergarako Udalak egun horren bueltan egingo ditu bi ekitaldiak. Biak egun berean. "Egun horretan ez ezik, urteko gainontzekoetan ere aldarrikatzen ditugu denon eskubideak, eta sexu-orientazio nahiz sexu edo genero-identitatearen diskriminazioaren aurka borrokatzen dugu. Halaber, aniztasunaren eta ikusgarritasunaren alde egiten dugu", adierazi dute prentsa-ohar bidez.
Gune Anitza zigilua
Era berean, Euskadiko Gazteriaren Kontseiluak (EGK) sustatutako Gune Anitza zigilua banatuko dute hurrengo asteetan herriko ikastetxeetan, dendetan eta ostalaritza guneetan. "Konpromiso argia hartuko dute zigilua jaso eta jarriko dutenek: euren guneetan aniztasunaren alde egin eta gorputz, identitate eta adierazpen oro errespetatzeko konpromisoa", dio Udalaren oharrak.
