Manuel de Dios bergararrak dauka fibromialgia eta haren ekimenez jarri dute Bergarako udaletxean kartela. Adierazi duenez, Bergarako Udalak konpromisoa hartu du astebetez udaletxeko balkoian eskegita edukitzeko kartela. Berau egitearen kostua, gainera, Udalak berak hartu du bere gain, kartela egin duen K3 enpresarekin batera.
Hori dela-eta, Bergarako Udalari eta K3 enpresari eskerrak eman nahi izan dizkiete Manuel de Diosek eta Itxaso Torres emazteak, laguntzagatik. Eskerrak, era berean, Bizi Bide elkarteari, Gipuzkoan gaitza dutenekin egiten duen lanagatik.
Gehienbat emakumeei eragiten dien gaitza da fibromialgia, baina Itsaso Torresek Hemen Debagoiena saioan adierazi zuenez, gizonezkoei ere eragiten die.