Hurrengo astean abiatuko dituzten bilera horien helburua da arloka plan estrategikoak izango duen ekintza plana diseinatzea, helburuak definitu eta horiek betetzeko ekintzak proposatzea, alegia.
Maiatzaren 17an, 18;00etan elkartuko dira osoko bilkuren aretoan mugikortasun eta lurralde arloetako eragileak gai horiei lotutako ekintza plana diseinatzen hasteko. Hurrengo egunean, maiatzaren 18an, ordu berean, baina UNEDen, ekonomia arloko eragileen txanda izango da. Hurrengo asteetan herritarren arloko eta ingurumen arloko bilerak ere egingo dira. Aurrerago herritarrekin ere egingo da lanketa.
Bestetik, udal barruan dagoeneko hasi dira plan estrategikoko arloetako bilerak egiten.
Erakusketa Agorrosinen
Esandako moduan, plana osatzen hasi aurretik udalerriaren diagnostikoa egin du Udal Gobernuak, Izadi 21 aholkularitza enpresaren eskutik. Apirilaren 15ean aurkeztu zen jendaurrean, Seminarixoan. Erakusketa bat ere osatu da Bergaraz egin den argazki horrekin eta Agorrosingo goiko pisuan dago ikusgai apirilaren 23a ezkero, Agorrosin irekita dagoen ordutegian.