Ponportola guraso elkarteak hirugarrenez egin du bigarren eskuko azoka. Deialdi bat zabaldu zuten eta osintxuarrek zein bergararrek utzitako materiala da salgai jarri dutena: ume zein helduentzako oinetakoak eta arropak, gerrikoak, motxilak, diru-zorroak, jostailuak, liburuak eta abar. Eskolari laguntzea da helburua eta zozketa bat ere egin dute horretarako.
Jangela ere berreskuratu gura dute. "Duela lauzpabost urtera arte, bazegoen jangela, baina ume bakarra geratu zen eta Bergarara joan behar izan zen. Beraz, zerbitzua berreskuratu gura dugu eta badirudi datorren ikasturtera begira, lortuko dugula", azaldu dute elkarteko kideek.
2019ko azaroan egin zuten beste azoka bat, Osintxun bertan, eta urte bereko abenduan, Bergaran ere egin zuten. Beraz, antolatzen duten hirugarrena izan da gaurkoa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.