Atzo, eguena, San Martin plazan egin zuten emanaldia. Hasteko, dantzari txikienek Ikurrin Dantza dantzatu zuten eta ondoren, hainbat taldetan, honako dantzak egin zituzten: Brokel Dantza, Zinta Dantza, Axuri beltza, Zazpi-jauzi, Makil Dantza, esku dantzak eta zortzikoa. Bukatzeko, Sorgin Dantza eta Polka dantzatu zuten guztiek.
"Asko izan dira gainditu beharreko zailtasunak, baina azkenean, urte eta erdi geroago, San Martin plazan emanaldi hunkigarri eta polita egitea lortu zuten gure dantzariek", azaldu dute eskolatik.
Gaur egun, Bergarako Musika Eskolan 90 dantza ikasle dituzte eta atzo, 6-12 urte bitarteko 50 neska-mutikok hartu zuten parte emanaldian, Eneko Galdos irakaslearen gidaritzapean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.