Gazte Kontseilu Sozialista Deba Bailarak deitutako manifestazioa apirilaren 4ko Aberri Egunetik atzora arteko egitarauaren barruan kokatzen da, kolektiboko kide Eneko Kortabarriaren arabera. Klase gorrotoa antolatu aukeratu zuten lelo moduan atzoko protestarako: "Langile klasearen baitan badago inpotentzia bat edo zapalkuntza orori aurre egiteko ezintasun bat, gorrotora barreiatzen dena. Zapalkuntza horiek guztiak gainditu ahal izateko antolatzea da tresna egokiena".
Gazte Kontseilu Sozialista Deba Bailarak antolatutako manifestazioaren ostean etorri zen Bergarako Greba Asanbladak deitutakoa. "Greba batzordea hainbat eragilek osatzen dugu eta eragile bakoitzak izan du presentzia agerraldian. Bakoitzak bere arlotik, baina erabat bateragarriak direnak; horregatik egin dugu deialdi bateratua", adierazi du Greba Asanbladako kide Ana Sebalek.