Futbolarekin lotutako entrenamenduz, jolasez, txangoz eta jokalari profesionalen bisitaz gozatu nahi duten 2007 eta 2012 urteen artean jaiotako neska-mutilek aukera polita izango dute ikasturtea bukatzearekin bat, BKEko futbol sailak III. Udako Futbol Campusa antolatu baitu aurten. Horretarako, kanpusbke@gmail.com helbidean eman beharko dute izena. Inskripzio epea joan den astelehenean zabaldu zen, eta datorren ostirala izango da apuntatzeko azken eguna. Partaide bakoitzak 90 euro ordaindu beharko ditu, eta 08:00etatik 09:00ak arteko zaintza zerbitzua aprobetxatu nahi duenak, 10 euro gehiago. Prezioan campuseko kamiseta ofiziala ere sartzen da. Ordainketa egiteko informazio gehiago BKEren Twitter kontuan kontsulta daiteke.
Campusa 09:00etatik 13:00etara garatuko da. Plaza mugatuak egongo direla-eta Josu Elorza presidenteak aurreratu du "100 eta 120 futbolzale ingururentzat" egongo dela tokia, baita "futbol eskolako protokolo berbera" erabiliko dutela ere.
