ELAk dioenez, langile gehienek onartu dituzten hobekuntza batzuk aurkeztu dizkie enpresak langileen ordezkariei. Esate baterako, hitzarmen berrirako KPI + %1,5eko igoerak ezarri dira, eta KPIa negatiboa den kasuetan 0tzat joko da. Era berean, gaueko ordutegian lan egiten duten pertsonentzako soldata-osagarria nabarmen hobetu dela adierazi du ELAk.
Prentsa ohar baten bitartez ELAk langileak zoriondu ditu eta akordioarekin "pozik" agertu dela azpimarratu du. Are gehiago, ELAk adierazi du enpresa negoziatzeko eseri dela eta eduki nahikoak eskaini dituela lan taldeak planto egin duelako, eta mobilizatzea erabaki duelako. Sindikatuaren arabera, hau da bidea eta egoera berean dauden langileak bide beretik jarraitzera animatzen ditu.