ELAk greba mugagabea deitu du Industrias Betikon, apirilaren 19tik aurrera

Industrias Betiko enpresaren lantokia, Bergaran. Argazkia: Google maps.

ELA sindikatuak dioenez, hilabeteak daramatza enpresa hitzarmen duin bat berritzeko negoziatzen, Bergarako enpresako langileen beharrei erantzuten diona. Industrias Betiko enpresak 17 langile ditu gaur egun eta gehienek greba mugagabea babestu zuten batzar orokorrean.

Langileen aldarrikapenak dira, besteak beste, 2021erako soldatak %1,5 igotzea, gaixotasun arruntek eragindako bajetan osagarria hobetzea eskatzea eta gaueko laneko osagarria handitzea. ELAren arabera, zuzendaritzak ez ditu, oraingoz, eskaera horiek onartu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.