Bergarako Jokin Etxabek eta Beñat Etxabek sasoi onean hasi dute 2021eko mendi lasterketen denboraldia. Joan den asteburuan, pandemia tarteko birritan bertan behera geratu eta gero Montsenyko Ultratrail probako antolatzaileek lasterketa antolatu ahal izan zuten, eta proba erreginaren bueltan maratoia eta maratoi erdia ere egin ahal izan zituzten. Bada, distantzia hori, maratoi erdia, aukeratu zuten etxabetarrek euren onena emateko, eta 2.24.41ko denbora eginez Jokin Etxabe nagusitu zen lasterketan. Anaiak ez zien gainontzeko lasterkariei aukera handirik eman, eta bi minutu geroago gurutzatu zuen helmugako lerroa, bigarren sailkatuta (2:26:30). Podiuma osatzen hirugarrena beste lasterkari euskaldun bat izan zen, Beñat Etxaberengandik lau minutura (2.30.48) helmugaratu zen helmugaratu zen Ion Artetxe.
Emakumezkoetan lasterkari katauniarrek ez zieten gainontzekoei aukerarik eman. Meritxell Bonet izan zen onena (3.13.18), Emma Bonnemort bigarren izan zen (3.14.31) eta hirugarren izan zen Angels Centelles (3.17.06).