Jardun euskara elkarteak antolatuta, apirilaren 13an, bere liburua aurkeztuko du Txerra Rodriguez Gomez soziolinguistika eta Emun taldeko hizkuntza aholkulariak. Zehazki, azken 30 urteetako euskara elkarteen jarduna errepasatuko du eta egin duten ekarpena aitortu.
UEUk orain dela gutxi argitaratu du Rodriguezen doktore tesia (30 urte mihigintzan: euskara elkarteek euskararen biziberritzean izan duten eragina 1987-2017), eta hain zuzen ere, honako galderei erantzungo die egileak: zer lortu dute euskara elkarteek azken 30 urteotan? Zer ekarpen egin diote euskararen biziberritzeari?
Aurkezpena arratsaldeko 18:30tan izango da Irizar jauregiko Euskaldunberri aretoan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
