Erramu Zapatu bezperako bertso saioa egin zuten atzo Seminaixoan Amets Arzallus, Jone Uria, Aitor Mendiluze, Alaia Martin eta Xabier Silveirak –Nerea Elustondok ezin izan zuen azkenean egon–, Kopla Barik bertso eskolak antolatuta eta Ibon Leibarrek gaiak jarrita. Sarrerak aurrez agortuta, ordu eta erdi entretenigarria pasa zuten bertaratutakoek.
Askotariko gaiak izan ziren saioan, serioak bai eta umorerako aukera ematen zutenak ere bai: azoka eta McDonald's parez pare jarri zituena, presoen ingurukoa –hileko azken ostirala zela-eta–... eta baita ariketa berezirik ere, bertsolariek binaka habanera osatu behar izan zutenekoa, adibidez.
Atzokoa erakargarri egiten zuen beste gauza bat izan zen denbora askoan oholtzatik kanpo egon den Xabier Silveira berriz ere kantatzen entzutea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.