Aurreko urteetako genero guztiak mantentzen dira: ipuin idatzia, komikia, bertsoa, ipuin-kontaketa, antzerkia, txisteak eta poesia. Bergaran jaiotakoek edo bertan bizi direnek zein ikasi edo lan egiten dutenek har dezakete parte lehiaketan. Ikusentzunezko lanak sare bidez aurkeztu beharko dira euskarako webgunea erabiliz, idatzizkoak berriz, paperean, Bergararren Arreta Zerbitzuan, edota telematikoki, webgunearen bitartez.
Sari-ematea Seminarixoan egingo da maiatzaren 29an, eta lehiaketaren oinarriak eta bestelako azalpenak euskarako webgunean aurki daitezke.