Aranzadi ikastolakoak martxoaren 6an hasi zituzten eskolak eta 119 haur gerturatu ziren goizean zehar. Bigarren asteburuan, berriz, San Martin Agirre Herri eskolan 51 haur izan ziren sare-jolasekin gozatu zutenak; badmintona, boleibola eta tenisa bezalako kirolak landuz. Hurrengo jardunaldian, martxoaren 20an, Mariaren Lagundia ikastolako haurren txanda izango da.
Prebentzio eta neurri zorrotzak hartzen ari dira, astean zehar eta aste bukaeran, eskola kiroleko saioetako burbuilak mantentzeko, eta horrela, ikastetxe ezberdinetako ikasleak beraien artean ez nahasteko.