Herriko ostalaritzaren, ostatuen eta janari-edari banatzaileen enpleguari eta jarduerari eusteko Udalaren ezohiko dirulaguntzen deialdia zabalik dago. Eskaera egiteko honako baldintza hauek bete behar dira: ostalaritzakoa edo ostatukoa bada, jarduera ekonomikoa Bergaran dagoen negozio-lokal batean garatzea eta lokal hori norbanakoei edo kontsumitzaileei zuzendutako produktuak edo zerbitzuak saltzeko helburuarekin erabiltzea; eta janari edo edari banatzaile sektorekoa bada, biltegia Bergaran izatea.
Gehienez, hamar lagun taldean
Bigarren deialdia COVID-19ak eragindako egoerara moldatzeko egindako inbertsioak laguntzeko da. Baldintzen artean daude honako hauek: lan-jardun osoan hamar langile izatea gehienez eta jardueraren gaineko zergan alta emanda egotea 2020ko martxoaren 14a baino lehen. Bi deialdietarako martxoaren 31ra arteko epea dago; Bergararren Arreta Zerbitzura joanda edo Udalaren webgunean.