Hain zuzen ere, otsailaren 13an Pirritx, Porrotx eta Marimototsek Amaren intxaurrak emanaldia eskaini zuten Udal pilotalekuan. Heriotzaren gaia lantzen dute euskal pailazoek emanaldi horretan, eta intxaurrondoa oparitu zioten Bergarako herriari dolua egiteko gune bihurtu dadin, eta senide edo lagunen bat galdu duena intxaurrondora bertaratu dadin galdu duen horietaz oroitzeko. Naturak heriotza ulertzen lagundu die Pirritx, Porrotx eta Marimototsi: bizitzaren parte da heriotza ere eta hori helarazi nahi diete Bergarako haurrei ere.
