Nahiko etsita zegoen Josetxo Muniategi, Soraluce BKE taldeko entrenatzailea, arratsaldeko partiduaren amaieran: "Gaizki ibili gara. Defentsan oso txarto ibili gara eta beraiek, ondorioz, golak sartu eta sartu. Entrenamenduetan aritu gara defentsa lantzen, baina oso ahul ikusi dut gaur taldea. Gehiago landu beharko dugu. Bestalde, esklusio asko izan ditugu, lehen zatian batez ere, eta horrek asko baldintzatu digu jokoa". Galtzen hasi du lehia etxeko taldeak eta galtzen amaitu. 9-16 heldu dira atsedenaldira eta 20-30 amaierara.
Datorren asteburuan ere etxean jokatu du Bergarako taldeak, Donostiko La Salleren kontra.