Intzidentzia-tasa 500etik gorakoa izan du Bergarak otsailaren 11tik, eta ondorioz, azken hamar egunetan eskola kirolean jarduterik ez dute izan neska-mutikoek. Atzo irten zuen eremu gorrian daudenen herrien zerrendatik eta gaurtik berriro ekingo diote lanari.
Eskola kirolik ez baina geldi ere ez dira egon gaztetxoak, eta taldean elkartzerik izan ez badute ere, baloiari jaurtika jardun dute norbere aldetik. Egindako lana bideoan jaso dute Bergara kirol elkarteko kideek: "Ikusten da gure jokalari txikienek futbol gosea daukatela!". Bideoan Bergarako futbol eskolan diharduten hainbat neska-mutiko agertzen dira, bergararrak zein elgetarrak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.