Deba Bailarako Kontseilu Sozialistako kideek abendu amaieran okupatu zuten Zubieta kaleko eskola zaharra, Bergaran. Urtarrilean hainbat hitzaldirekin osatutako egitaraua burutu dute eta gaur Ekida egitasmoaren aurkezpen ekitaldia izan dute.
Gazte ugari elkartu dira ekitaldian eta egitasmo berriaren nondik norakoak ezagutu dituzte. Ekida sozialisten kultura ekimen moduan aurkezten dute. "Eraikin bat da, espazio bat, kulturaren eta artearen esparruak ikuspuntu sozialista batetik lantzeko. Argitalpenerako, eztabaidarako, kritikarako, azterketarako, sustapenerako aukera emango duen ekimen bat izan nahi luke", azaltzen dute ekida.eus atarian. "Kultura eta artea ez dira arlo autonomoak, gizarteari estu lotuta daude ezinbestean, eta egun beste esparru sozial guztiak bezala klase-borrokak zeharkatzen ditu".
Ekidatik kritiko dira egungo gizartean nagusi den arte-ekoizpenarekin eta kultura ulertzeko moduarekin. Ziurtatzen duzue edertasunari bestelako esanahi bat eman dakiokeela zapalduen eskuetara ekarriz gero.
Ekidako bultzatzaileek aurkezpen gehiago ere egingo dituzte herriz herri. Deba Bailarako Kontseilu Sozialistak, bere aldetik, Zubietako eskola zaharrean ekintzak antolatzen jarraituko du.
