Gune horietako bat da, esaterako, Santa Marina parrokiaren atzealdean dagoen Oxirondo plaza. Bertatik Deba ibaira botatako zaborra sastraka artean pilatuta ikus daiteke, orokorrean garagardo eta bestelako edarien potoak eta litxarreria poltsak daude bertan botata. Kasu horretan URA agentziaren eskumena dela azaldu dute Udaletik, eta baimena eman arte Udalak ezin du bertan garbiketa lanik egin.
Herrigunean zenbait gune identifikatuta dituzten arren, arazoa "bereziki larria" da auzoetan azaldu dutenez, Elosu, Gorla, San Martzial edota Surrako gurutze inguruan. Gune horiek astean zehar ere "gutxiago" garbitzen direla azaldu du.
