Ipintza futbol zelaiko harrizko aulkiak aldatzeko lanetan ari dira Udaleko langileak. Hurrengo asterako aldatuko dituzte, eta kendutakoen ordez bost metroko aluminiozko bi aulki jarriko ditu Udalak; bakoitzak hamar jarleku izango ditu.
Ipintzako zelaia artifizial egin zutenean eraiki zituzten harrizko aulki horiek, duela hamabi bat urte. Bergara Kirol Elkarteko futbol sailak duela urtebete inguru egin zuen aulkiok aldatzeko eskaera, futbolean aritu ohi diren neska-mutikoendako arriskutsua delako. Segurtasuna hobetzeko helburuarekin 6.000 euroren bueltako inbertsioa egingo du Udalak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.