Azken orduetako zurrumurruak konfirmatu dira eta Leganes taldeak ofizial egin du albistea, Asier Garitano da Leganesko entrenatzaile berria. Bergararrak oraingo denboraldirako sinatu du, eta baita hurrengo denboraldirako ere. Hala, eguenean aurkeztuko du klubak ofizialki, nahiz eta gaur, eguaztena, lehenengo entrenamendu saioa zuzendu behar zuen. Hori horrela, Garitano "etxera" bueltatuko da, izan ere, 2013an Leganesera itzuli zenetik bost urtez lan aparta egin zuen Garitanok, taldeak bi kategoria igo zituen, eta harrobiaz lan egiteko oinarria ere sendotzen lagundu zuen, besteak beste, orduan jarri zuten eta abian Butarqueko kirol instalazioen proiektua. Pentsa, herriko seme kutun ere izendatu zuten Leganesen.
Leganesetik irten zenetik ez du jarraikortasunik izan aulkietan
2018. urtean Asier garitanok ametsetako erronka bati heldu zion, Realak fitxatu zuen eta. Bergarakoak, baina, ez zuen Donostian zorterik izan, eta, besteak beste, denboraldi hasiera txar batek eragin handia izan zuen Bergarakoaren etorkizunean. Orduan, debagoiendarrek gertutik ezagutu ahal izan zuten bergararra, GOIENAn egindako erreportaje honetan. Hala, iaz Donostiatik Gasteizerako bidea egin zuen, Alaveseko entrenatzaile izan zen, baina hor ere ez zuen zorterik izan.