Pandemiak kulturan izan duen eragina izan da bertso saioko gaietako bat

Maialen Lujanbio, Andoni Egaña, Miren Amuriza, Jon Maia eta Ane Zuazubiskar izan ziren atzo Bergarako bertso saioan, hango Kopla Barik bertso eskolakoen gidaritzapean. Nola ez, pandemiari buruz ere jardun zuten, horrek kulturan, eta bertso munduan, izan duen eraginaz.

Jon Leibar Txinbo izan zuten gaiak jartzen Lujanbiok, Egañak, Amurizak, Maiak eta Zuazubiskarrek. Pandemiaren bueltan egin zuten bertsotan, adibidez, tono serioan pandemiak kulturan eta bertso munduan izan duen eraginaz. Baina umorea etxean utzi barik etorri ziren bertsolariak zein antolatzaileak. Matrikulatzeko adinean duten umea izanda, Bergarako ikastetxeak bisitatzera joan diren gaiarekin, esaterako, barre egin zuten entzuleek. Bakarka, bikoteka zein taldeka abestu zuten bertsolariek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.