Direct Energie taldeko Lorrenzo Manzin sprinterrak lasterketako azken txanpan, aurre hartu ostean, bigarren postuan sailkatu da Mikel Aristi txirrindulari bergararra, denboraldiko lehenengo lasterketan, Valentziako klasikoan. Aristik bigarren postua lortuta, zapore gazi-gozoaz geratu arren, denbaoraldia hasteko modu ona izan dela adierazi du. Honekin batera, taldekakoan lehenenengo postua lortu du Fundacion Euskadik.
Lasterketa amaitzean, Aristik berak ere, sailkapenaren gaineko zalantzak izan dituela adierazi du. "Uste nuen irabazi nuela. Banekin aurreratu zidala, baina helmugako marraren ostean izan dela pentsatu dut. Beraz, zapore gazi-gozoa dut. Denboraldia hasteko modu ona izan da, baina, ez nago gustura emaitzarekin, garaipena ospatu dut-eta…", adierazi du Aristik lasterketa amaitu eta emaitza ikusi ostean.
Lehenengo hiru sailkatuak honakoak izan dira: Lorrenzo Manzin (Direct Energie) lasterketako azkarrenak 2:13:05eko denbora egin du, eta ostean sartu dira helmugara, Mikel Aristik (Euskadi), eta Amaury Capiot (Arkea).