Euskal Mitologiarekin lotutako jolasa izan da eta ordu erdi ingurukoa izan da txanda bakoitza. Galtzagorri baten laguntzarekin ekin diote jolasari eta, helburua, Olentzeroren su magikoa berriz piztea izan da. Horretarako, osagai desberdinak behar zituzten eta osagai horiek lortzeko, beste pertsonaia mitologiko batzuen laguntza izan dute. Pertsonaia hauei, objektu bana galdu zaie eta haurrek objektu hori aurkitzen lagundu diete. Trukean, pertsonaia mitologiko bakoitzaren eskutik, Olentzeroren su magikoa pizteko osagai bat jaso dute.
