Hilaren 23tik urtarrilaren 7ra arteko epean, Bergarako ostalariek toldoak edo haimak jartzeko aukera dute. Horretarako, ezinbestekoa da aterpe horiek terrazaren azalera ez gainditzea eta itxita egongo diren aldeak gehienez bi izatea. Horrez gain, ostalariek ezin dute lurra zulatu instalazioak egiteko, eta terraza erretiratutakoan aterpe horiek ere gorde egin behar dituzte.
Udalak esan du udaltzainak jarraipena egite ari direla, eta baldintzak betetzen ez diutzten titularrek ondorioak izango dituztela. Bestetik, uste dute premia bati erantzuteko neurria dela: "COVID-19ak eragindako osasun-arazoak ostalaritza-jardueraren antolaketarako terrazen premia areagotu egin du. Negu-garaian gaude eta eguraldiaren iragarpenak direla-eta aterpe-premiak handiak dira".