Atzo banatu ziren Bikain euskararen kalitate ziurtagiriak Bilboko Euskalduna Jauregian. Udaletik adierazi dutenez, aspaldi ari dira euskararen normalizazio lanean eta bertako lan hizkuntza euskara da. 1986an Euskara Zerbitzua jarri zuten martxan. 1990ean udaleko lanpostuen hizkuntza eskakizunak finkatu ziren, langileen euskara gaitasuna bermatzea helburu. 1995ean, Administrazioan euskararen erabilera bultzatzeko plan pilotua ezarri zen, EAE mailako lehenengoa.