"Euskal Herria eta Senegal banatzen dituzten 8.000 kilometroak osatzea" da Ndank Ndank elkarteak abenduaren 20an abiarazi-ko duen lasterketaren helburua. Banakako ariketa izango den lasterketan parte hartzeko, online, "modu errazean", eman behar da izena, Ndankndank.kinendu.com webgunearen bitartez, bost euro ordainduta. Horren ondoren, Apple Health edo Google fit dispositiboekin sinkronizatu eta dortsala deskargatu ahal izango dute parte hartzaileek.
Finantzaziorako tresna
Bertatik lortutako dirua Dionewarko kultur eremuaren eraikuntza finantzatzeko dela azal-du du elkarteak: "Erabilera askotariko espazio bat eraikitzea da helburua, kultur arlo desberdinak garatzeko –hizkuntza, musika, artisautza, dantza, literatura...–, batetik, eta hezkuntza ez-formala sustatzeko, bestetik". Zehaztu dute eremuaren lehen eraikuntza izango denaren lanak martxan direla, eta asmoa "progresiboki" eraikin berriak gehitzen joatea dela. Proiektuarekin "komunitatearen ahalduntzea garatzea" helburu dutela aitortu du elkarteak.
Parte hartzeko aukera zabala
Elkarteak zehaztu du errepidean, bidezidorretan, zintan edo bakoitzak nahi duen tokian bete daitekeela erronka korrika, oinez, bizikletan... abenduaren 20tik urtarrilaren 10era bitartean. Behin lasterketa amaitzean, argazki bat atera eta sare sozialetan partekatzera animatu dituzte parte hartzaileak, #zubiaindartzen traola erabiliz.
