Eduki hau partekatzeko esteka arbelera kopiatu da.
Gabonetako argiak jarri dituzte dagoeneko Bergaran ere, eta Udalak jakitera eman du astelehenean, abenduak 7, piztuko dituztela 2021eko urtarrilaren 7ra arte. 18:00etatik 23:00etara eta 06:00etatik 08:00etara egongo dira argiok piztuta, eta Udalak 16.000 euroko diru partida –BEZ gabe– bideratu dute horretarako. Bestalde, Gabonetako erakusleiho lehiaketako oinarrien berri ere eman du Udalak; abenduaren 3tik 11ra eman behar da izena eta erakusleihoak gertu izango beharko dituzte partaideek abenduaren 7rako.
Aurten, nobedade moduan, Labegaraietako kiroldegian ez da argirik jarriko obretan daudelako eta Labegaraieta kiroldegia apaindu ordez Agorrosingoa apaintzea erabaki dute. Horrez gain, argietako motiboak berriak izango dira aurten.
Honako puntu hauetan jarri dituzte Gabonetako argiak:
-Espoloi parkea -Urteaga kalea (San Antonio) -San Pedro -Barrenkalea -Bidekurutzeta -Fraiskozuri plaza -San Lorenzo -Labegaraieta -Oxirondo plaza -San Martin Agirre -Aranerreka -Ibargaraiko palmeraren biribilgunea -Agorrosin kiroldegia
