Pandemiaren ondorioz bertan behera egon ondoren, Udalak berriz ere abiarazi du Gelditzeke Kirol Orientabide Zerbitzua (KOZ). Udaletik azaldu dute, "herritar guztientzat zabalik dagoen doako zerbitzua" dela eta "bizitza-estilo aktibo eta osasungarria bultzatzeko helburuarekin", jarduera fisikoaren inguruko aholkua eta orientazioa ematen duela . Zerbitzua jaso nahi duten pertsonek txanda eskaera egin behar dute Agorrosingo Kirol Gunean, telefonoz – 943777095– edo emailez– agorrosin@bergara.eus–.
'Mugiment'-en baitan
Zerbitzua Aldundiak eta Jaurlaritzak elkarlanean sortutako Mugiment programan dauka jatorria, eta geroz eta udalerri gehiagotan finkatzen ari den zerbitzua dela adierazi dute Bergarako udaletik. Herrian lehen ere ematen zen mota honetako zerbitzua, baina honen bitartez "orain artekoa aberastu eta hobetu" egiten dela azaldu dute.