Osasun-zentroko Etengabeko Arreta Gunea gauez itxita egongo da aurrerantzean

Debagoieneko ESItik aditzera eman dute Bergarako osasun etxean ez dela etxeko arreta zein emergentzia punturik egongo gauez; zerbitzu hori 00:00tik 8:00etara itxi egingo dute eta. 

Azaldu dute, zerbitzua egunez indartuko dutela horrela; eta besteak beste, COVID-19aren bueltakoak kudeatzera bideratuko dituztela osasun langileak. Era berean, asteburuetako larrialdi zerbitzua ere indartu egingo dute, egunez. 

"Koronabirusaren bigarren olatuak iraun bitartean egongo da itxita Etengabeko Arreta Gunea gauez", zehaztu dute. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.