Agorrosin Ekintza Gunean ematen diren talde jarduera presentzial guztiak bertan behera utziko dituela jakinarazi du Udalak, beste abisurik izan arte. Zehaztu dutenez, banakako kirola baimendua dagoenez, igerilekua, fitness aretoa, bideo areto txirrindularitza eta padela eskaintzen jarraituko da.
Ostiralean jakinarazi zen Agorrosinen gaurko egunean egitekoak ziren taldeko jarduerak bertan behera utzi zirela, eta gaur erabakiko zela datozen egunetara irizpidea zein izango zen. Bada, larrialdi mahaiaren bilera egin ondoren, Bergarako Udal Kirol Zerbitzuak Agorrosin Ekintza Gunean ematen diren talde jarduera presentzial guztiak bertan behera utziko ditu. Hala ere Udaletik adierazi dute, saiakera berezia egingo dela modu telematikoan kirol jarduerak eskaini ahal izateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.