Ostiralean jakinarazi zen Agorrosinen gaurko egunean egitekoak ziren taldeko jarduerak bertan behera utzi zirela, eta gaur erabakiko zela datozen egunetara irizpidea zein izango zen. Bada, larrialdi mahaiaren bilera egin ondoren, Bergarako Udal Kirol Zerbitzuak Agorrosin Ekintza Gunean ematen diren talde jarduera presentzial guztiak bertan behera utziko ditu. Hala ere Udaletik adierazi dute, saiakera berezia egingo dela modu telematikoan kirol jarduerak eskaini ahal izateko.