Irailaren 16an lehen positiboa hauteman zutenetik orotara zortzi pertsona hil dira Mizpirualden, zortzik gainditu dute gaitza eta seik jarraitzen dute kutsatuta.
Gipuzkoako adinekoen egoitzatan azken orduetan hil den pertsona bakarra da Mizpirualdekoa. Bestalde, bederatzi kasu positibo atzeman dituzte azken beste zortzi pertsonak gainditu dute gaixotasuna –horietako bat da Mizpirualdekoa–.
Gauzak horrela, COVID-19an positibo emandako 73 erabiltzaile daude egun, zortzi zentrotan banatuta: Hernaniko Santa Maria Magdalenan (2), Bergarako Mizpirualden (4), Donostiako Alai-Etxen (26), La Pazen (1), Berran (9), Lamourousen (20) eta Hermano Garate-San Ignacion (1), eta Zumarragako Argixaon (10). Ospitaletan ingresatuta dauden egoiliarrak zortzi dira, guztira.