Aurrez lotutako gauza asko aldatu egin behar izan dituzte baian jaialdiarekin aurrera egitea erabaki dute. Atzerriko artistarik ez da izango eta Euskal Herriko, Errioxako, Gaztela-Leongo eta Kataluniako artistekin osatu dute egitarau oparoa.
- Conservando Memoria. El Patio Teatro (Errioxa). Urriak 30, egubakoitza, 19:00etan eta 21:00etan, Seminarixoan.
- Titiriscopio instalazioa. Arawake (Castilla León). Urriak 31, zapatua, 11:30etik 14:30era eta 17:00etatik 20:00etara, eta domekan, azaroak 1, 11:30etik 14:30era, San Martin Plazan.
- André eta Dorine. Kulunka Teatro (Euskal Herria). Urriak 31, zapatua, 19:00etan, Seminarixoan.
- Psike. Markeliñe (Euskal Herria). Urriak 31, zapatua, 20:30ean, San Martin plazan. (Euria egiten badu Boluko frontoian).
- Rodó. Chapertons (Katalunia). Azaroak 1, domeka, Seminarixoan 19:00etan.
-
Alberto Saavedra gogoan. Donostiako artista eta artisauaren omenez, Seminarixoko emanaldien sarreran eta irteeran Saavedrak sortutako panpinek harrera berezia egingo diete ikusleei. Panpinak Iñaki Matak egokitu eta prestatu ditu.
Sarrerak salgai, gaurtik hasita
Kanpoko ikuskizunak doan dira, eta zortzi eurotan Seminarixokoak. Leihatilan, gaur eta datorren eguenean, 18:00etatik 20:00etara, eta Tickets.kutxabank.es atarian eros daitezke.