Etxean jokatu arren, eta 16-11ko abantaila lortu arren, Beñat Rezustak ezin izan du eskuz banakoaren prebia modura jokatutako partidua irabazi. Peio Etxeberriak ondo eutsi dio Bergarakoaren erauntsiari, bereziki sakez lortutako zortzi tantoei esker.
Rezusta 16-11 aurreratu denean, lehia erabakita geratuko zela zirudien, baina Etxeberriak berdinketa lortu du. Hori gutxi balitz 17-20 aurreratu da. Une horretan, Rezustak ez du etsi eta 20na berdintzea lortu du. Baina, azken bi tantoak Ultzamako pilotariak egin ditu.
Eskuz banakoaren aurretik, eskuz binaka jokatu dute Irribarria eta Tolosak Ezkurdiaren eta Erostarberen kontra. 22-15 irabazi dute lehenek.