Oinherriko kideek diotenez ikastetxeen beharrak aztertu dituzte, irakasleen eta hezkuntzan lanean ari diren profesionalen eskubideak bermatu daitezen aldarrikatu dute eta gurasoen kezkak aditu dituzte. Hori horrela, ikasturteari ekiteko gako edo irizpide batzuk proposatu dituzte, besteak beste, ikastetxe bakoitzak dituen beharrak aztertzea, haurren jolasa bermatuko duen politika ziurtatzea eta herriko elkarte zein eragileekin elkarlanean aritzea. Kontuan hartzeko hainbat gai ere azpimarratu dituzte; politika inklusibo bat, euskarak pandemiaren ondorioz jasan duen kolpea, haur eta nerabeen behar eta iritziak entzunez, herriko politikan hauen partaidetza sustatzea...
Horrez gain gogorarazi dute urriak 17an Pandemia osteko herri hezitzaileak izenpean jardunaldiak burutuko dituztela. 09:30ean izango dira eta streaming bidez jarraitzeko www.herrihezitzailea.eus atarian izen ematea zabalik da jada.
