"Maiatzaren 25ean, prentsaurreko baten bidez, EH Bilduren udal gobernu taldeak esan zuen plan integral bat lantzen hasi zirela, hainbat eragile sozialekin batera, krisiari aurre egiteko. Gaur, bost hilabete geroago, EH Bilduk prentsan iragarritako plan integralaren berririk ez dugu, Bergarak eta bergararrek hain beharrezkoa dutena", azaldu du EAJko ordezkari Elena Letek. Hori horrela, "EH Bilduren egungo gobernuak duen kudeaketa iluna eta planifikaziorik gabekoa" salatu dute.
Horretaz gain, azaldu dute EAJk "behin eta berriz" eskaini diola lankidetza mahai bat osatzeko laguntza Udal Gobernuari baina "laguntza hori ukatu egin dute".
Azkenik, COVID-19k eragindako krisi sanitarioaren ondorioak "aukera" bihurtu gura dituztela adierazi dute, "elkarrekin bergararren beharrei erantzuteko".