Kartzela zaharrean egingo dituzten bi egunetan, "egungo testuingurua azaltzea" eta "koiunturaren inguruko analisiaren garrantziaz jabetzea" izango dute helburu, besteak beste okupazioaren gaia aztertuz. "Pandemia egoera honetan, krisi kapitalistaren espresioak areagotu direlarik, inoiz baino behar handiagoa dugu antolatu eta ofentsibari aurre egiteko", azaldu dute.
Urriaren 10ean, 17:30etan, Okupazioaren aurkako kanpaina hitzaldia egingo dute, eta jarraian "parrillada girotua". Bestetik, urriaren 17rako egun osoko egitaraua aurkeztu dute. Goizean, San Martin Plazatik hasitako mendi martxa egingo dute, eta ondoren, batera bazkaltzea da proposamena. Arratsaldean, berriz, faxismoaren inguruko eztabaida egingo dute.
Antolatzaileek adierazi dutenez, segurtasun neurriak bermatuko dira: "Maskaren derrigortasuna eta distantziak mantentzeaz gain, edukiera kontrolatzeko beharrezkoa izango da parte hartzeko GKS_debabailara@riseup.net helbidera idaztea".