Javier Tejada Palacios izango da hizlaria eta gizakiaren etorkizunaz zer pentsatzen duen kontatuko du. "Abentura honetarako dugun energia eta Adimen Artifiziala eta Robotika hornitzeko ditugun gaitasun teknologikoak izango dira bizi garen antzoki honetako protagonista nagusiak". Hitzaldian Alberto Gorritibereak zuzendutako bi bideo proiektatuko dira, hitzaldiko gai nagusiak lantzen dituztenak. Udalaren laguntzaz antolatu duten ekimena zuzenean jarraitu ahal izango da http://ztbergara.eus webgunean.
City University of New Yorkeko Honoris Causa doktorea
Javier Tejada Palacios Bartzelonako Unibertsitateko katedradun emeritua da eta Europako eta Amerikako hainbat unibertsitatetan irakasle gonbidatua ere izan da. Bere lorpen garrantzitsuena espinaren tunel-efektu kuantikoaren aurkikuntza (1996) izan zen eta mundu osoko aldizkari eta egunkarietan komentatu zen. City University of New Yorkeko Honoris Causa doktorea izendatu zuten 1996an. Hortaz gain, 328 argitalpen zientifiko ditu eta 10 liburu idatzi dute. 32 doktore-tesiren zuzendari izan da eta, besteak beste, Vianako Printzea Saria (2006) eta Fisikako Sari Nazionala (2009) eskuratu ditu.