Bihar, urriak 1, adineko pertsonen nazioarteko eguna da eta hori gogorarazteko bi hitzaldi antolatu dituzte. Lehena, Zaharahalduntze feminista: adinkeria ezagutzen izenekoa, pertsona nagusien ahalduntzearen ingurukoa. Urriaren 8an izango da, arratsaldeko 18:00etan, Irizar jauregian eta emakumeentzat zuzendutako hitzaldia da. Hizlaria Bizitzen fundazioko Nerea Fernandez izango da eta hitzaldia elebitan egingo du. Ezinbestekoa da aurretik izena ematea berdintasuna@bergara.eus e-postara idatzita edo Udaletxera deituz.
Horrez gain, pertsona nagusien zaintzaren zailtasunak agerian uzteko, urriaren 20an, Egoitzak eta zaintzak: ba al dago alternatibarik? hitzaldi irekia egingo da Seminarixoan, 18:30ean. Hizlariak Irauli Zaintza plataformako Silvia Carrizo eta Xanti Ugarte izango dira. Hitzaldia elebitan izango da. Sarrera doanekoa izango da eta Seminarixoko txarteldegian eskuratu beharko da ostegunetan 18:00etatik 20:00etara bitartean edo hitzaldiaren egunean bertan.
