Idazleak azaldu zuenez, istorioaren protagonista rockzale zahar bat da; Los Tampones izeneko taldearen abeslari izandakoa. Halere, 80ko hamarkadako izarrak bere "distira" galduta du dagoeneko, eta liburutegi txiki batean dihardu lanean. Bitartean, bere bi seme-alabak –Silvio eta Janis– nerabezaro korapilatsua ari dira izaten, denbora gutxian ama galdu baitute. Egoera horretan, dolua eta apatia gainditzeko, protagonista gerrilla ortografikoko talde batean sartuko da, eta hiriko iragarkiak eta kartelak zuzentzeari ekingo dio. Bestetik, seme-alabekin harremana estutzeko, Los Tampones taldeak aparteko kontzertua emango du gazteen institutuari laguntzeko.
Azken eleberri honez gain, Patxi Irurzun hainbat liburuen egilea da: Ciudad retrete (2002), Diez mil heridas (2019), Atrapados en el paraíso (2014), Cuando todo esto acabe (2020), Pan duro (2015)...
Denboraldiko aurkezpen bakarra
Agiolilloren denboraldiko aurkezpen bakarra izan da zapatukoa, eta horren zergatiak azaldu zituzten: "Denboraldi honetan, alde batera utziko ditugu liburu aurkezpenak eta gure indarrak liburutegiaren espazio fisikoa indartzera bideratuko ditugu (liburutegia margotu, liburuak aldatu gai sozialen presentzia areagotuz,…). Beraz, aurten, Angiolillo liburutegiak ez ditu egingo liburu aurkezpenak".