Gaurko elkarretaratzea ildoka antolatuta egongo da eta sei pankarta ezberdin zabalduko dituzte: dispertsioaren aurkakoa, preso gaixoak kaleratzearen aldekoa, adinduak etxera eramatearen aldekoa, 3/4 ak bete dituztenak askatzearen aldekoa, gradu progresioaren aldekoa eta azkenik zigor bikoitza ezabatzea eta orokorrean salbuespeneko espetxe politika ankerra desagerraztearen aldekoa.
Bukaeran ekitaldi txiki bat egingo dute bergarar bikote eta senideak dituzten bost presoen egoera azaltzeko: Leixuri, Aitzol, Alicia, Oskarbi eta Josuren egoerak hain zuzen ere
Izan bidea ekimenean parte hartzeko deia
Urriaren 3an Euskal Herrian egingo den mendi-tontorren igoeran parte hartzera animatu dituzte herritarrak. Izena emateko aukera zabalik dago, Pol-Pol eta Arrano tabernetan eta Sareko webgunean.
Bergarako mendi tontorren ibilaldiak hauek izango dira:
- Angiozarretik: Irutontorreta, Asentzio eta Intxorta. Plazan 8:30ean
- Osintxutik: Krabelinaitz. 9:00etan
- San Martin plazatik 3 zutabe: 8:30ean.
- Elosumendi- Irukurutzeta eta Kurutzebakar.
- Gazte zutabea: Landarraitz eta Klabelinaitz.
- Adinekoak eta ezinduak (kotxean, irteera 12:00etan): Asentzio. Argazkia Intxortako atean. 12:30ean.
