Covid-19aren ondorioz, bizitza pribatuko zein profesionaleko hainbat alor aldatu behar izan ditu gizarteak. Horien artean, eskola eta ikastetxeak aurkitzen dira. Hala, eta segurtasuna bermatzeko, neurri eta arau batzuk hartu behar izan dituzte irakasle zein ikasleek: distantzia soziala, sarrera-irteeren antolaketa, talde-burbujak zaintzea, garbiketa desinfekzioa biderkatzea...
Udalak dioenez, eskolek inoiz baino gehiago erabiliko dituzte herriko espazio publikoak (parkeak, aterpeak, arkupeak, lorategiak...), seguruagoak direlako eta haur eta gaztetxoen garapen egokirako mugitzea ezinbestekoa delako. Udala harremanetan jarria dago herriko ikastetxeekin zein espazio eta zein ordutegietan behar dituzten entzun eta erraztasunak emateko.
