Bikote nagusientzako 35. Moises Azpiazu dantza txapelketa Seminarixoan izango da

Irudia: Bergarako Musika Eskola

Ostiral honetan izango da, hilak 11, 19:30ean. Bergarako Musika eta Dantza Eskolak antolatu du, Bergarako Udalaren laguntzarekin. Aurten egiten ari diren ekimen guztietan bezala, segurtasun neurriak betetzea derrigorrezkoa izango da. Sarrera doan izan arren, ordubete lehenago zabalduko dute leihatila, sarrerak eskuratzeko eta edukiera kontrolatzeko. 

Guztira, 16 urtetik gorako 14 bikotek eman dute izena eta Bizkaiko eta Gipuzkoako ordezkariak izango dira. Hona hemen lehiakideen izen-abizenak:

  • 1. June Elorza - Eneko Sarasua (Azpeitia-Azkoitia)
  • 2. Maren Galvez - Gorka Granado (Lezo-Sopela)
  • 3. Nagore Kerejeta - Aner Kerejeta (Azpeitia)
  • 4. Irati Olaizola - Idoia Narbaiza (Legazpi)
  • 5. Maite Beobide - Mikel Subinas (Azpeitia)
  • 6. Jon Ander Iriondo - Maider Arrieta (Azpeitia)
  • 7. Enara Arrizabalaga - Iker Sarasua (Azpeitia-Azkoitia)
  • 8. Katerin Artola - Iker Belintxon (Oiartzun-Lezo)
  • 9. Maitane Irurzun - Gorka Duran (Aduna-Villabona)
  • 10. Elaia Elorza - German Aranburu (Azpeitia)
  • 11. Ekain Uzkudun - Laura Bastida (Azpeitia)
  • 12. Saioa Galarraga - Julen Murgiondo (Bergara)
  • 13. Itziar Bastida- Anaitz Lizartza (Azpeitia)
  • 14. Gorka Kerejeta - Leire Eizmendi (Azpeitia-Errezil) 

Gabriel Alonsok (Sestao), Nahikari Vizuetek (Lezo) eta Antton Mendizabalek (Donostia) osatuko dute epaimahaia. Hiru bikote izendatuko dituzte irabazle, eta sari ezberdinak jasoko dituzte horiek. Lehenengoek irabaziko dute Udalak emandako garaikurra, txapela, zapia eta 200 euro. Bigarrenek, aldiz, garaikurra eta 180 euro; eta, azkenik, hirugarrenek, garaikurra eta 170 euro.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.