Ertzaintzak 37 urteko gizonezko bat atxilotu zuen zapatuan, Bergaran, zerbitzari lanak egiten zituen ostalaritza-lokal batean haxixarekin trafikatzeagatik.
Bezeroekin egindako salerosketa hauteman ostean atxilotu zuen Ertzaintzak, eta azaldu duenez, establezimenduaren barruan hainbat tableta haxix, baskula bat eta 300 eurotik gora aurkitu zituzten. Gainera zehaztu dute aurkitutako materialaren zati bat lokaleko altzarietan ezkutatuta zegoela.
Droga-trafikoko delitua egotzita atxilotu zuten zerbitzaria, eta ertzain-etxera eraman zuten, ondoren, epailearen esku jartzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
